Motivet për tu gëzuar ishin të shumta, ato për të festuar të paktën dy: fitorja e Shqipërisë në mbrëmjen e madhe të Budapestit, duke pritur mesnatën për ti uruar Edoardo Rejas ditëlindjen e 76-të. Pikërisht kështu, italiani festoi ditëlindjen e tij në Budapest, me një festë të organizuar nga Federata Shqiptare e Futbollit, me tortë e fishekzjarre, që si dhuratë kishte 1-0 ndaj Hungarisë pak orë më parë me golin e Brojas.
FSHF ka postuar një video me festën e ditëlindjes në hotel, ku morën pjesën edhe lojtarët dhe stafi teknik i Shqipërisë. Një festë e shkurtër por e ngrohtë, sepse nga sot italiani dhe të gjithë kuqezinjtë duhet të mendojnë për Poloninë, ndaj të cilëve vendoset fati i kualifikimit për në Botëror, të martën në orën 20:45, në stadiumin “AIR Albania”.
