Këshilli Superior i Sportit në Spanjë ka vendosur shtyrjen e ndeshjes mes Sevillas dhe Barcelonës, e planifikuar për të shtunën në orën 21. Gjithashtu është shtyrë edhe ndeshja tjetër e të shtunës (ora 18) Villarreal-Alaves. E gjitha kjo për shkak të shqetësimit të ardhur nga kualifikueset e Amerikës së Jugut për Kupën e Botës në Katar. Në fakt, Sevilla nuk do të jetë në gjendje të reshtojë në fushë argjentinasit Montiel, Papu Gomez dhe Acuña, ndërsa Barcelona uruguaianin Araujo.
E gjitha kjo, sepse këta lojtarë nuk do të kthehen në Spanjë deri të premten në mbrëmje ose të shtunën në mëngjes. E njëjta situatë për Foyth dhe Estupinan të Villarreal. Spanja tregon një model ndryshe funksionimi, ndryshe nga Anglia që nuk i lejoi lojtarët të largohen e Italia, ku Napoli-Juventus dhe Atalanta-Fiorentina do të luhen rregullisht, pavarësisht se kanë shumë lojtarë nga Amerika e Jugut të thirrur dhe të përdorur nga ekipet e tyre përkatëse kombëtare.
