Të reshtë së luajturi futboll është një ide që Zlatan Ibrahimovic nuk e pëlqen shumë, edhe tani që ai po i afrohet një farë moshe. Prej vitesh, megjithatë, kampioni suedez është bërë një sipërmarrës, duke derdhur paratë e tij në aktivitete të afta për t'i siguruar atij një të ardhme milionere pas përfundimit të karrierës së tij të gjatë si lojtar. Nëse Ibra në fushë zhgënjen rrallë, në botën e investimeve ai ka pasur po kaq sukses. Mbi të gjitha falë padel, këtë vit kompania e tij "Unknoën" mbylli bilancin me një aktiv afërsisht 9 milionë euro.
PADEL MANIA - Në Suedi, Zlatan është pronar i pesë "Padel Zenter": i fundit ishte ai i Uppsala-s, që erdhi pas Zlatan Zenter në Skovde - Coloseum of Padel - dhe atyre të Arsta (në perfieri të Stokholmit), Jonkoping dhe Bastad. Në Suedi padel është një mani që po përhapet gjithnjë e më shumë, me një shpejtësi edhe më të madhe se ajo që po ndodh në Itali. Por duke u kthyer në Milano, Ibra ka vendosur të hapë një qendër të madhe padel edhe aty, me rreth njëzet fusha: pasi kërkoi gjatë zonën e duhur në të cilën do ta ndërtojë, duket se e ka identifikuar atë në qendrën e re tregtare që po ndërtohet në zonën e Segrate.
AKTIVITETE TË TJERA — Ndër kompanitë e tjera që krijoi Ibrahimovic, është 'holding' financiare Ciroo, e lindur në 2016 me pjesëmarrjen e Verratti, Maxëell dhe Sirigut, atëherë shokët e tij te PSG. Por shumica e aktiviteteve sipërmarrëse të Zlatan përfshijnë imobiliaret: shtëpi dhe ndërtesa të shpërndara midis Italisë, Suedisë dhe Shteteve të Bashkuara (jo në Dubai, siç u përfol në të kaluarën). I shkoi jo aq mirë kur u përpoq të hynte në sektorin dixhital - projekti i tij i aplikacionit "Ibra Uplugged" dështoi shpejt - por edhe në modë dhe kozmetikë. Linja e parfumeve nuk është ngritur kurrë dhe do të mbyllet së shpejti, ndërsa marka e veshjeve tashmë i ka mbyllur dyert e saj prej tre vjetësh, ndryshe nga ajo e kampionit të tenisit Bjorn Borg, i cili ka kapur publikun suedez dhe është konsoliduar.
