Një 20-vjeçar ka rënë në prangat e policisë së Tiranës për kultivim kanabisi.
Uniformat blu bëjnë me dije se 20-vjeçari I.A., banues në fshatin Shpataj, njësia administrative Baldushk, u arrestua pasi në banesën në pronësi të tij iu gjetën dhe sekuestruan fidanë kanabis.
Gjithashtu është proceduar në gjendje të lirë edhe babai i të riut, 58-vjeçari H.A., pasi gjatë kontrollit në banesë iu gjet dhe sekuestrua një armë gjahu.
Sakaq materialet i kaluan prokurorisë për veprime të mëtejshme.
"Evidentohet dhe goditet një tjetër rast i tentativës për kultivim të kanabisit, vihet në pranga 1 shtetas.
Shërbimet e Komisariatit të Policisë Nr.1, në zbatim të planit të masave “Për parandalimin dhe goditjen e veprimtarisë kriminale të kultivimit të bimëve narkotike’’, bazuar dhe në informacione të siguruara në rrugë operative, si rezultat i kontrolleve të vazhdueshme të territorit, kanë evidentuar dhe goditur një tjetër rast të tentativës për kultivim të kanabisit në fshatin Shpataj, Njësia administrative Baldushk.
Sakaq materialet i kaluan prokurorisë për veprime të mëtejshme", njofton policia.
