Një aksident me 10 viktima dhe mbi 30 të lënduar është regjistruar të dielën e sotme në Brod të Kroacisë. Kryeministri kroat, Andrej Plenkovic ka reaguar pas aksidentit fatal të autobusit. Plenkoviç ka thënë se është në mbështetje të familjeve të Kosovës që kanë humbur të afërmit e tyre. Ai është shprehur se të plagosurve po i ofrohet ndihma shëndetësore nga autoritetet kroate.
“Me trishtim të madh morën lajmin për aksidentit e një autobusi në “Slavonski Brod” ku humbën jetën 10 persona. Ne jemi me familjet e viktimave dhe autoritetet e Kosovës, të cilëve u shprehim ngushëllimet tona më të thella. Shpresoj që pasagjerët e lënduar të shërohen. Për shkak të aksidentit të tmerrshëm, unë fola me Ministrin e Brendshëm, Davor Bozinovic dhe Ministrin e Shëndetësisë, Vilija Beros. Ministri Beroš dhe drejtori i mbrojtjes civile Trut u drejtuan për në Slavonski Brod për t’u njohur me të gjitha rrethanat e aksidentit dhe për t’u ofruar kujdes shëndetësor pasagjerëve të plagosur”, ka shkruar ai.
