Një sherr masiv shpërtheu mes turistëve në hotelin Santa Susanna në Katalonjë. Një vajzë 13-vjeçare u pa me gjak në fytyrë dhe thuhet se iu thye hunda.
Sipas gazetës “The Sun”, turistët u kapën nga flokët e njëri-tjetrit dhe u goditën me grushte për një shezlong në pishinën e hotelit. Sipas një dëshmitari okular, gjithçka filloi kur vajza 13-vjeçare britanike u ul në një shezlong pa e ditur se po përdorej nga një familje tjetër.
Një video që qarkullon në rrjetet sociale kap momentin kur një burrë e goditi vajzën, ndërsa një tjetër burrë i tërheq flokët. Pas disa sekondash, persona të tjerë fillojnë të përfshihen në sherr.
Mass brawl in Spanish hotel because a 13 year old girl in green swimsuit sat on a sun lounger and a man punched her on the face. pic.twitter.com/1xskiKcH51
— x™ (@Kingseth999) June 26, 2026
“Ai nuk tha asnjë fjalë, thjesht e sulmoi. Ishte e pabesueshme, absolutisht e neveritshme. Si mund të sillet kështu një burrë i rritur me këdo, e lëre më me një fëmijë ? Vajza u largua me gjak që i rridhte nga hunda. Gratë po u bërtisnin fëmijëve të tyre të dilnin nga pishina", - tha dëshmitari.
Përveç adoleshentes, edhe persona të tjerë u plagosën lehtë. Stafi i hotelit ndihmoi në ndarjen e sherrit dhe thirri policinë, megjithëse, sipas gazetës Sun, nuk duket se janë bërë arrestime. ©LAPSI.al
