Autobusët e gjelbër “Go Green”, do te futen në qarkullim në gusht dhe do të përshkruajnë linjën e madhe unazore prej 13.2km me 66 stacione. Kështu njofton kryeministri Edi Rama, i cili këtë mëngjes ka publikuar pamjet e flotës së re të autobusëve hibridë. Kreu i qeverisë Rama e konsideron vënien në përdorim të autobusëve të gjelbër “Go Green”si një gjeneratë e re e transportit publik.
Kujtojmë se autobusët e gjelbër “Go Green” u prezantua një ditë më parë nga kreu i Bashkisë së Tiranës, Erion Veliaj, i cili u shpreh se kjo është pjesë e një procesi për modernizimin e transportit publik në Tiranë.
