Kryeministri Edi Rama ka reaguar pas aksidentit tragjik në Kroaci, ku një autobus i nisur nga Gjermania për në Prishtinë doli nga rruga dhe 10 persona kanë humbur jetën. teksa më shume se 30 të tjetrë kanë mbetur të plagosur. Përmes një postimi të ndarë në rrjetin social ‘Twitter’, Rama lutet për të plagosurit rëndë, si dhe u shpreh ngushëllime familjeve të viktimave.
“Çfarë fatkeqësie pikëlluese lajmi nga Kroacia për humbje jetësh të vëllezërve e motrave nga Kosova. Lutem që të plagosurit rëndë t’ia dalin dhe ngushëllime vëllazërore familjeve të viktimave!”, shkruan kryeministri.
