Policia e Mirditës ka arrestuar një person, pasi akuzohet se ka tentuar që të vrasë një shtetas, duke e përplasur me automjet. Autori i ngjarjes pretendonte pronësinë ku po kryheshin punime nga një kompani.
"Ky shtetas, me vetëgjyqësi, duke pretenduar mbi pronësinë e tokës, ku një kompani kryente punime ,në aksin rrugor Rrëshen- Rubik , ka tentuar të vrasë duke e përplasur me automjetin e tij punonjësin e kësaj kompanie shtetasin N .H.,banues në Kukës. Shtetasi N.H., pas mjekimit të marrë në spital është larguar në banesë.", thuhet në njoftim.
Materialet hetimore u referuan në Prokurorinë e Rrethit Gjyqësor Lezhë, për veprat penale “Vrasje me dashje, e mbetur në tentativë ” dhe ” Vetëgjyqësia”.
