Nuk ndalen polemikat në Lazio-Torino. Pas debateve pas shtyrjes së ndeshjes, dënimeve dhe ankesave, më në fund u luajt rikuperimi në Olimpico që ishte në përputhje me gjithçka që i parapriu. Akuza e fundit erdhi nga Ciro Immobile i cili, në të nxehtë, e ka shprehur zemërimin e tij për atë që ndodhi në dhomën e zhveshjes me një postim në Instagram, duke thënë se ai u sulmua verbalisht nga ish-presidenti i tij Urbano Cairo, që u përgjigj prerë po në rrjet.
POSTIMI I IMMOBILE
"Të gjithë e dinë kush është Ciro Immobile. Në fushë, dhe mbi të gjitha jashtë saj. Unë mund të pranoj kritika ndaj lojtarit, jo fyerje të rënda shpifëse ndaj njeriut që jam. Sidomos nëse këto të fundit vijnë nga drejtues nga bota e futbollit. Në fundin e ndeshjes këtë mbrëmje Presidenti i Torinos Urbano Kairo mu afrua në hyrje të dhomës së zhveshjes së Lazios dhe filloi të më ofendonte, duke më sulmuar verbalisht, duke më drejtuar akuza serioze shpifëse, me akuzën se kam luajtur ndeshjen me "gjak në sytë e mi" dhe gjëra të tjera që kishin të bënin me ndeshjen e parë të këtij kampionati të luajtur kundër Torinos, madje duke arritur deri aty sa të më thoshte se kam luajtur në atë ndeshje pozitiv me COVID. Unë kurrë nuk do të ndalem së falënderuari Presidentin Cairo që më dha mundësinë për tu konfirmuar në Torino si futbollist, por nuk mund të anashkaloj një episod që shkon përtej dimensionit të futbollit. Të gjithë e dinë kush është Ciro Immobile; një futbollist, po, por mbi të gjitha një njeri që respekton rregullat dhe parimet e besnikërisë. Unë nuk mund të toleroj padrejtësitë dhe fyerjet që shpifin, pa ndonjë arsye të vlefshme, për personin tim”.
POSTIMI I CAIRO
"Ciro Immobile më sulmoi nga profili i tij në Instagram pas ndeshjes kundër Lazios. Unë iu përgjigja postimit të tij dhe e publikova tekstin edhe këtu. Ciro Immobile më akuzon mua se jam përballur me të në fund të ndeshjes dhe pretendon se të gjithë e dinë kush është Ciro Immobile... Në rregull... edhe unë e di kush është Ciro Immobile. Një futbollist i cili erdhi në Torino pas një kampionati zhgënjyes në Genoa për të rimarrë veten. Ventura i besoi dhe ai bëri mirë me Toron. Mendova se të paktën ai do të mbetej me kënaqësi edhe një vit tjetër dhe ai, Ciro Immobile, në vend të kësaj bëri namin për të shkuar tek Borussia Dortmund. Ai pati një sezon tjetër zhgënjyes dhe Borussia e huazoi atë te Sevilla. Edhe atje, Ciro Immobile, nuk shkoi mirë dhe kështu ai më telefonoi dhe mu lut që të kthehej tek Torino. Unë, që isha i dashur për të, ia plotësova. Bëri një fazë të dytë jo shumë brilante, por unë, që u kujdesa shumë për të, do ta kisha blerë përfundimisht. Ai, Ciro Immobile, këtë herë nuk më thirri personalisht, por e bëri agjentin e tij të më thoshte se për arsye personale nuk mund të qëndronte në Torino. Kështu që nuk e bleva sepse e kuptova kush është Ciro Immobile..."
