Ish presidenti Bujar Nishani i ka lënë zakonet e postit që ka pasur dhe i ka dhënë fund vetëpërmbajtjes. Sjellja dhe reagimi i Lulzim Bashës e ka nxjerrë edhe atë nga binarët. mënyra sesi lideri demokrat u përball me disfatën e 25 prillit dhe për më tepër mënyra anti demokratike se si ai po menaxhon rizgjedhjen e tij i kanë rritur tonet e ish kreut të shtetit. Sipas Nishanit, Basha përdor standarte të dyfishta, ai nuk respekton vendimarrjen e këshillit kombëtar dhe për të gjitha këto ai është njëiu që i shërben më së miri regjimit të Ramës.
Lexo më tej:
Andi Bushati: Zgjedhjet e Bashës si alibi për vjedhjen e Ramës
"Deri dje, L. Basha, ankohej pse kritikët nuk prisnin përfundimin e ankimimeve, hetimeve të kasapanës, por vetë nuk priti as të dëgjojë zërin e demokratëve të bazës, të shqiptarëve të thjeshtë se çfarë mendojnë ata e në mesnatë shpalli farsën e rradhës për vulën dhe karrigen e vulëmbajtësit të Partisë Demokratike, pa mbaruar as afatet e përmbylljes së ankimeve që ka bërë po vetë" ka shkruar Nishani në Facebook duke e akuzuar kreun e PD si një njeri që i intereson "veç vula dhe karrigia e vulëmbajtësit dhe aspak fare, halli, vuajtjet, sakrificat e mijëra demokratëve apo kolapsi i shtetit të shqiptarëve". Dhe kjo sipas ish kreut të shtetit është "shërbimi më i denjë ndaj masakruesit të zgjedhjeve, dhunuesit të demokratëve, shkatërruesit të Shqipërisë, që është Edi Rama".
Deklaratat e forta të kritikëve. Basha i hap rrugën garës fallco për kreun e PD
Nishani nuk ka harruar të kujtoi se vendimin absurd për tu rizgjedhur Basha e mori "në një sallë me më pak se 100 (njëqind) persona të pranishëm, ku domosdoshmërisht duhet të jenë mbi 200 (dyqind) të tillë".
©Lapsi.al
