Ambasadorja e SHBA, Yuri Kim ka takuar kreun e Këshillit të Lartë të Prokurorisë, Gent Ibrahimin për të folur për Reformën në Drejtësi. Ambasadorja Kim thekson së ky është një moment i rëndësishëm për Reformën në Drejtësi dhe jep mesazhin se ka ardhur koha për të treguar guxim.
Sipas ambasadores, institucionet e reja të drejtësisë si KLP duhet të ndahen nga modelet e vjetra. Po ashtu ajo kërkon nga ky institucion t’i rezistojë presionit dhe të bëjë drejtësi.
"KLP duhet të demonstrojë pavarësinë dhe integritetin e vet, t’i rezistojë presionit dhe të japë drejtësi... Ky është një moment i rëndësishëm për Reformën në Drejtësi – mjaft progres për të trembur kundërshtarët, por jo aq sa të kënaqen njerëzit. Institucionet e reja gjyqësore si KLP në të cilat dhe të tjerët kanë investuar aq shumë – duhet të thyejnë modelet e vjetra. Koha për të treguar guxim.”-shkruan Kim.
