Makina e kryetarit të grupseksionit të Partisë Demokratike në Shelqet të bashkisë Vau i Dejës, Ariston Drini është djegur gjatë natës. Drini, pronari i automjetit të djegur tip “Fuoristrade Ford” ka deklaruar se ka dëgjuar fillimisht një shpërthim, e më pas ka parë automjetin në flakë.
Ngjarja ka ndodhur rreth orës 1.30 të mëngjesin të sotëm, teksa automjeti ka qenë i parkuar para banesës. Ndërkohë policia dhe grupi hetimor ishin në vendngjarje, ku edhe kanë marrë dëshminë e Drinit. Ky i fundit ka mohuar të kishte konflikte apo probleme. Ndër të tjera policia mes pistave të hetimit ka edhe atë të konflikteve për shkak të fushatës elektorale.
[video width="848" height="480" mp4="https://cdnimpuls.com/lapsi.al/wp-content/uploads/2021/04/WhatsApp-Video-2021-04-18-at-11.52.27-AM.mp4"][/video]
