Cristiano Ronaldo dhe Lionel Messi u larguan nga Champions League, në raundin e 1/8 në pak orë, praktikisht në të njëjtën kohë, me asnjërin prej tyre në cerekfinale, për herë të parë në 16 vjet, por kjo nuk e ka penguar Paris Saint-Germain të tentojë të bëhet fuqia e re kryesore e futbollit botëror, pikërisht duke synuar dyshen e ëndërrave. Duke patur parasysh pakënaqësinë e Messit dhe Ronaldos mes Katalonjës dhe Juventusit, kompania franceze po konsideron një operacion të rëndësishëm për verën.
Nuk është sekret që Messi po kërkon - dhe është përpjekur - të largohet nga Barcelona në fund të sezonit, pavarësisht nga presidenti i ri i blaugrana. Kontrata e Pleshtit skadon në qershor, por eleminimi i Juventus nga Porto ka hapur një të çarë edhe në të ardhmen e Cristiano Ronaldos tek Juventus. Sidoqoftë, në Paris - sipas Le Parisien - po i vëzhgojnë të dyja çështjet me shumë kujdes.
Sipas të përditshmes franceze, gjithmonë shumë mirë e informuar në lidhje me bisedimet e PSG, kontaktet mes menaxherit të Ronaldos - i cili ka një kontratë që skadon në 2022 - dhe Nasser Al Khelaifi nuk kanë ndalur kurrë. Për portugezin, zgjedhja e Parisit mund të jetë joshëse për të qenë përsëri protagonist në Evropë në një lloj Dream Team, përpara se të përpiqet të përfundojë karrierën e tij në kampionate më ekzotike.
Megjithatë, ekziston një por. Gjithçka do të varet nga zgjedhjet e Kylian Mbappé, gjithashtu me kontratën që skadon në qershor 2022. Nëse kampioni francez vendos të vazhdojë aventurën në Paris, çdo lloj diskutimi rreth Messit ose Ronaldos do të ishte i vështirë për tu zhvilluar ekonomikisht. Përndryshe, me largimin e Mbappé, një nga dy lojtarët më të fortë të mijëvjeçarit të ri do të mbërrijë në Parc des Prince.
