Kryeministri Edi Rama ka shprehur keqardhjen e tij pas refuzimit të punëtoreve të rafinerisë së Ballëshit për të dalë nga greva e urisë. Me anë të një statusi në rrjetet e tij sociale, Rama është shprehur se pa ndaljen e grevës nuk mund të nisë asnjë bashkëbisedim qeveri-punëtorë, ndaj u bën edhe njëherë thirrje që të ndërpresin nismën e tyre dhe të ulen bashkë për të diskutuar.
“Keqardhje për refuzimin për të ndërprerë grevën në Ballsh,sepse pa u ndalur greva nuk do të nisë dot asnjë bashkëbisedim! Ideja se duke u futur në grevë mund t’i faturosh qeverisë kusuret e një kompanie private është shumë e gabuar. Me t’u ndalur greva ulemi bisedojmë vëllazërisht,”-shkruan Rama.
