Teksa pritet vizita e ministrit të jashtëm grek Nikos Dendias, qytetarë të shumtë, aktivistë të Vetëvendosjes dhe mbështetës të tjerë të PDIU-së janë mbledhur në zonën përreth ministrisë për të protestuar ndaj vizitës së zyrtarit grek. Policia ka rrethuar zonën dhe efektivë të shumtë nuk kanë lejuar kreun e PDIU-së Shpëtim Idrizi dhe qytetarët të afrohet pranë Ministrisë së Jashtme.
Për mbajtjen e protestës PDIU ka kërkuar leje pranë organeve kompetente, ndërkohë që policia ka refuzuar që ajo të mbahet pasi për shkak të epidemisë nuk lejohen grumbullimet.
