Në debatet e fundit televizive Edi Rama ka bërë zhurmë si rrallëherë me batutat, humorin, talljet, epitetet që përdor, përdredhjet e argumentave, strategjinë për të ndërruar fokusin e bisedës, por edhe me mënyrën si përqesh, si ngërdheshet, si imiton apo si intimidon gazetarët që ka përballë.
Sali Berisha ka mbledhur disa prej këtyre kllounadave të kryeministrit të Shqipërisë, në rastet kur ai ka qenë përballë vajzave apo grave gazetare, duke sjellë në vëmëndje se përveç se janë gazetare, ato janë edhe vajza, nëna apo bashkëshorte. "Për Ramën janë vetëm objekte sulmi" thuhet në videon që ka publikuar ish kryeministri Berisha në FB. Në videon më poshtë, Rama përqesh Ambrozia Metën, intimidon Fatjona Mejdinin dhe shan Klodi Lalën, kur këto e kanë pyetur apo kanë debatuar me të.
Në fakt, këto shfryrje të Ramës live para kamerave, dikujt mund t'i provokojnë të qeshura, dikujt tjetër mund t'i ngjallë krupën apo t'i shkaktojnë habi, por në asnjë rast nuk mund të kalosh indiferent para sjelljeve të tilla nga një burrë, që i ka kaluar të pesëdhjetat prej vitesh. Ndiqeni videon më poshtë:
https://www.facebook.com/SaliBerisha/videos/1059606054468258
