Më shumë se 80 refugjatë të paligjshëm janë kapur brenda një kamioni pranë kufirit të Korçës.
Bëhet fjalë për refugjatë nga Turqia, Siria, Maroku dhe Algjeria, të cilët kaluan kufirin për të hyrë në Shqipëri.
Mes refugjatëve kishte fëmijë, vajza e gra që po udhëtonin në kamion drejt Tiranës.
Ata u kapën pranë një karburanti në fshatin Pirg dhe kishin dhënë shuma të konsiderueshme parash për të hyrë në vendin tonë.
Ky është ndër operacionet më të mëdha të policisë për tentativën e kalimit të paligjshëm të kufirit kundrejt përfitimit të parave.
