Një ditë pas miratimit të ndryshimeve në Kodin Zgjedhor, kreu demokrat Lulzim Basha mblodhi sot aleatët për të vendosur se si do të garojë opozita në zgjedhjet e 25 prillit.
Skenari i parë është ai i daljes me dy lista, njëra e udhëhequr nga PD-ja dhe tjetra nga LSI-ja. Por një tjetër alternativë është edhe dalja me një listë unike.
Në fund të takimit Basha deklaroi para gazetarëve se vendimin e kanë marrë me shqiptarët dhe nuk ka formulë që e shpëton Ramën.
“Vendimin e kemi marrë tashmë bashkë me shqiptarët. S’ka formula që ta shpëtojnë Ramën, vetëm po ndërroi të gjithë votuesit me Kushtetutë”, – u shpreh Basha.
