Presidenti i SHBA Donald Trump është dërguar në spital më pak se 24 orë pasi rezultoi pozitiv për koronavirus. Trump filloi të shfaqte "simptoma të lehta" të Covid-19 të enjten teksa sapo mori përgjigjet e testit u fut në karantinë.
Ai mori një përzierje ilaçesh si një "masë paraprake", tha Shtëpia e Bardhë, dhe ndjehej "i lodhur, por me humor të mirë".
Sipas medieve ai u transportua në Qendrën Kombëtare Mjekësore Ushtarake Walter Reed.
Një zëdhënës i Shtëpisë së Bardhë tha në një deklaratë: "Presidenti Trump mbetet në humor të mirë, ka simptoma të lehta dhe ka punuar gjatë gjithë ditës. Me shumë kujdes dhe me rekomandimin e mjekut të tij dhe ekspertëve, presidenti do të punojë nga zyrat presidenciale në Walter Reed për ditët e ardhshme. Presidenti Trump vlerëson mbështetjen si për të dhe për zonjën e parë." – tha zëdhënësi. ©LAPSI.al
