Në përputhje me paralajmërimin e ministrit të Shëndetësisë në Kosovë, Armend Zemaj, sot ka patur një rënie të dukshme të rasteve të reja me COVID-19. 76 raste janë identifikuar si pozitive ndërsa 144 persona kanë rezultuar të shëruar. Në total numri i përgjithshëm i të shëruarve deri më sot është 10.926, kurse numri i rasteve aktive është 2.877.
Zemaj shtoi se ndërsa situata në Kosovë është duke u përmirësuar, aktualisht po zhvillohen diskutime rreth mënyrës se si do të reagohet ndaj pandemisë duke e vënë theksin te stinët e ardhshme që do të vijnë, vjeshta dhe dimri.
“Sot kemi, thënë kushtimisht numrin më të madh të rënies së rasteve, po shkojmë drejt një përmirësimi cilësor, por kjo nuk duhet të na lejojë komoditetin që të lirohemi e të shkojmë një nivel tjetër. Ajo çfarë po bëj unë bashkë me profesionistët e tjerë është nxjerrja e konkluzioneve dhe rekomandimeve se si të ecim më tutje”, tha Zemaj.
