Menjëherë pas fitores 3-1 ndaj Sllovakisë, të premten në mbrëmje në Bratislavë, e vlefshme për Ligën e Kombeve, Kategoria B, Republika e Çekisë ka njoftuar se nuk do ta luajë ndeshjen e dytë për këtë kompeticion të hënën ndaj Skocisë në shtëpi. Arsyeja? Të infektuarit me Covid-19. Mesfushori i West Hem, Tomas Souçek, dhe sulmuesi i Romës, Patrik Schick janë të izoluar në banesat e tyre pas kontakteve me një anëtar të stafit, i cili ka rezultuar pozitiv me Covid.
“Ekipi kombëtar nuk do të luajë ndaj Skocisë të hënën për shkak të vendimit të autoriteteve dhe të situatës shëndetësore për shkak të Pandemisë së Koronavirusit:, është thënë në Twiter nga Federata e Futbollit e Çekisë. Federata e Futbollit e Çekisë ka nënvizuar shqetësimin e saj se virusi mund të përhapet më tej. Pas fitores kundër Sllovakisë ekipi anulloi të gjitha stërvitjet kjo me efekt të menjëhershëm. Që do të thotë se tashmë është shpërndarë për t’u grumbulluar në tetor për ndeshjet e radhës.
Ndërkohë Federata e Futbollit e Skocisë, nga ana e saj, ka shpjeguar se ishte në dijeni të njoftimit nga homologët çek, por që nuk kanë marrë një lajmërim zyrtar. E për këtë arsye kanë treguar se do të kërkojnë sqarime nga UEFA, e cila tashmë duhet të marrë një vendim për këtë ndeshje të anulluar për shkak të Koronavirusit. E parë në Ligën e Kombeve për sezonin 2020-2021. Të premten, gjithnjë për Ligën B të Ligës së Kombeve, Skocia ka barazuar 1-1 në Gllazgou ndaj Izraelit. E pas ndeshjeve të parë, Republika e Çekisë kryeson grupin me 3 pikë.
