Janë arrestuar në Linzë organizatorët e sulmit me armë në Pogradec, Meard Berberi dhe Anterio Kaloshi, ky i fundit një nga ekzekutorët e vrasjes së dyfishtë në Lushnjë disa vite më parë. Më poshtë janë pamjet me dron të filmuara në Linzë, gjatë operacionit për arrestimin e tyre.\
https://www.youtube.com/watch?v=6IYVeq1gFdo&feature=youtu.be
Të arrestuarit sipas policisë janë:
• Meardi Berberi, 34 vjeç, banues në Pogradec (person me precedent të theksuar kriminal në fushën e krimeve kundër jetës dhe pronës);
• Anterio Kaloshi, 29 vjeç, banues në Lushnjë (person me precedent të theksuar kriminal në fushën e krimeve kundër jetës dhe pronës);
• Ervin Kalaja, 40 vjeç, banues në Tiranë (i dënuar më parë për veprën penale "Armëmbajtja pa leje").
"Shtetasi Meardi Berberi, në bashkëpunim me shtetasin Ilir Berberi (i ndaluar), të dy në rolin e organizatorëve, si edhe shtetasi Anterio Kaloshi në rolin e ekzekutorit, më datë 08.08.2020, dyshohet se kanë tentuar të vrasin me armë zjarri, djalin e pronarit të hotelit, shtetasin J. M., ku si pasojë e të shtënave me armë, janë dëmtuar godina e hotelit dhe 7 automjete të parkuara pranë tij" thuhet në njoftimin e policisë.
