Sekretari i Përgjithshëm i Partisë Demokratike Gazment Bardhi zbuloi në Twiter propozimet që opozita e bashkuar do të bëjë të premten ne Këshillin Politik.
“Nenet e 5 Qershorit për koalicionet parazgjedhore të paprekshme. Nesër qëndrimi i opozitës për Këshillin Politik dhe hapjen 100% të listave.
Këto janë nenet e miratuara të Marrëveshjes së 5 Qershorit, që rregullojnë formulën e koalicioneve parazgjedhore me listë të veçantë të partive dhe formulën e ndarjes së mandateve. Këto nuk rihapen dhe janë të paprekshme!
Nesër qëndrimi zyrtar i PD dhe Opozitës së Bashkuar për vijimin e punës në Këshillin Politik për hapjen 100 % të listave të kandidatëve” – shkruan Bardhi.
Opozita fillimisht deklaroi se votimi i njëanshëm i ndryshimeve kushtetuese në Kuvend e prishi marrëveshjen e 5 qershorit, por në mbrëmje tha se do të ulej sërish në tryezën e bisedimeve. ©LAPSI.al
