Sfida e kthimit të 1/8 të finaleve të Champions League mes Barcelonës e Napolit në 8 gusht mund të mos luhet në Camp Nou. Ky është lajmi që publikon emitenti Rac-1, sipas të cilit Uefa i ka kërkuar përditësime Departamentit të shëndetit duke parë rreitjen e rasteve të Koronavirus në Katalonjë. Vendimi do të varet nga informacionet që do të mbërrijnë për këtë cështje në orët e ardhshme.
PLANI-B
"Barcellona-Napoli? Guimaraes e Oporto janë një plan B i studiuar prej kohësh, janë një zgjidhje që është menduar për situata të vështira. Për momentin vendimi mbetet ai për të luajtur në Camp Nou. Nuk njoh deadline, anëtarët e UEFA-s duhet të marrin vendimin, duhet tashmë kush është plani B, kështu që Ceferin, Marchetti, Uva e të tjerët të marrin një vendim në dritën e asaj që do të thotë Qeveria spanjolle". E ka deklaruar një ditë më parë Evelina Christillin, anëtare e bordit Uefa, gjatë një ndërhyrje në 'Punto Nuovo Sport Shoë' në Radio Punto Nuovo.
DE LAURENTIIS: "TË LUHET DIKU TJETËR"
"Nëse kanë vendosur që Champions të luhet në Portugali e Europa League në Gjermani, mundet që edhe ne për 1/8 të dërgohemi në vende të tjera, nuk arrij ta kuptoj si ka mundësi që duhet të mbetemi në një qytet që më duket se paraqet një shkallë të lartë kritike". Presidenti i Napolit Aurelio De Laurentiis shpreh kështu dyshimet e tij në prag të ndeshjes në Katalonjë, ku është kthyer alarmi koronavirus. "Është gjithnjë një ndeshje e madhe kundër Barcelonës, por Uefa... Unë telefonoj, flas, kërkoj por është shumë e sikletshme. Nga Spanja vijnë dyshime të forta e frikë ndërsa ata bëjnë indiferentin. Cfarë duhet për të thënë mjaft, nuk shkohet në Barcelonë por në Portugali, në Gjermani, në Gjenevë".
