Një gomone është sekuestruar pas 5 orë ndjekjeje hap pas hapi në zonën e plazhit të Vjetër në qytetin e Vlorës. Delta Force e qytetit të Vlorës, Guardia di Finanzia, dhe Roja Bregdetare e Vlorës kanë mundur të lokalizojnë gomonen dhe ta sekuestrojnë atë.
Ndjekja ka vijuar nga zona e Zvërnecit-plazhi i vjetër dhe vazhdoi për në Orikum. Ndërkohë në ndjekje u vu edhe një helikopter, i cili inspektoi gjithçka nga ajri.
Gomonia u sekuestrua ndërsa për fat të keq, nuk u gjet asnjë sasi droge siç pritej. Dyshohet se trafikantët me t’u pikasur nga Policia e kanë hedhur në det lëndën narkotike. Kërkimi për të arrestuar dy skafistët vazhdon.
