Në përmbyllje të vizitës së tij në Kosovë kryeministri i Shqipërisë, Edi Rama dha një konferencë për mediat. Syrit të gazetarëve dhe jo vetëm, nuk i ka shpëtuar as një detaj tek duart e tij; thonjtë e paprerë. Në gishtin tregues të të dyja duarve, thonjtë ishin të paprerë dhe mjaftueshëm për të tërhequr vëmendjen.
Nuk dihet përse Rama bën këtë zgjedhje dhe pikërisht në ato dy gishta. Për çfarë mund t’i përdorë Kryeministri thonjtë e gjatë nuk e dimë e mbase nuk e hamendësojmë dot. Por kjo pamje e duarve të tij të risjell në kujtesë shprehjen e Fatos Nanos vite më parë, i cili ka thënë se Edi Ramën e mori nga Parisi me thonj të paprerë dhe e bëri Ministër Kulture.
Sigurisht që Nano shprehte një lloj pendese për këtë gjë, për promovimin që i bëri Ramës, i cili më pas i mori edhe drejtimin e Partisë Socialiste. Që nga ajo kohë e largët kur Rama ishte në Paris e deri më sot kur po mbyll vitin e shtatë në krye të qeverisë, duket se nuk heq dorë nga vesi i tij për të mos prerë thonjtë.
©LAPSI.al
