Robert Myftari i arrestuar mbrëmë në qyetin e Vlorës, i cili akuzohet si një nga kokat e një organizate që u shkatërrua në kuadër të operacionit ndërkombëtar Itali-Shqipëri me emrat e koduar “Shefi” dhe “Kulmi”, është arrestuar edhe më herët për një ngarkesë record prej 808 kilogramë kanabis.
Policia e shtetit më 21 qershot të vitit 2016, njoftoi se uniformat blu të policisë së Vlorës kanë prangosur sot 43-vjeçarin Robert Myftari i cili ishte shpallur në kërkim për trafikim të 808 kilogram lëndëve narkotike me gomone drejt Italisë.
Policia e qytetit bregdetar bëri të ditur në atë kohë se Myftari, ishte shpallur në kërkim për ngjarjen e ndodhur më datë 10.11.2015, ku në vendin e quajtur "Cekodhima", me ndihmën e një mjeti lundrues "gomone" ka tentuar të trafikojë një sasi të konsiderueshme me lëndë narkotike prej 808 KG të llojit "Cannabis sattiva", në drejtim të shtetit Italian.
Ai u prangos në banesën e tij në lagjen "1 Maji" Vlorë, pasi ndaj tij është caktuar masa e sigurisë "Arrest në burg", por më pas është liruar në mënyrë të pashpjegueshme, për tu arrestuar natën e djeshme po në qytetin e Vlorës, pas një hetimi 5 vjeçar të antimafies italiane e cila e akuzon për një trafik që kap shumën e rreth 40 milion eurove.
