Raiola denoncon për mungesën e kryerjes së tamponit për Mario Balotelli nga ana e Brescias. Sulmuesi i ka postuar fjalët e thëna nga menaxheri i tij, në profilin e tij në Instagram e prokuroria e Figc, sipas asaj që bën të ditur Ansa, ka zgjatur edhe për nesër inspektimin në qendrën sportive të klubit, ndërsa kanë dëgjuar edhe mjekun social.
Situata bëhet gjithnjë e më e tensionuar mes sulmuesit, që dje vuri para përgjegjësisë shoqërinë për mungesën e pagës së marsit, e klubit të Cellino. Mino Raiola, menaxheri i SuperMario ndërhyri në këtë cështje, duke nxitur edhe hetimin e Federatës italiane të Futbollit: "Po e diskriminojnë. Brescia e lë të stërvitet vetëm në orën 19. Mua më rezulton – ka thënë Raiola –, se Brescia është e vetmja shoqëri e Serie A që nuk i ka bërë ende tamponin një lojtari të saj. Kanë diskutuar për javë për protokollet mjekësore e tani i lejohet një shoqërie ti injorojë për të lënë në shtëpi një futbollist. Për të goditur një vihet në rrezik e gjithë skuadra".
