Edi Rama duket se po jeton në një realitet tjetër, në një botë të tijën ku Tirana po kalon një të dielë të qetë me diell.
Në “Facebook”-un e kryeministrit nuk ekzistojnë zëra qytetarësh, artistësh dhe as ndërkombëtarësh që kritikojnë shembjen tinëzare të Teatrit.
(VIDEO+FOTO) Si u shemb në errësirë Teatri Kombëtar
Në videon e Ramës duken rrugët e Tiranës dhe parqe ku ka fëmijë dhe pensionistë që shijojnë të dielën me diell. Ky është reagimi i kryeministrit të vendit, ndërkohë që dhjetëra qytetarë janë shoqëruar nga policia dhe ka pasur disa herë përplasje fizike tek kordoni policor përreth Teatrit Kombëtar, i cili u shemb në orën 4:30 të mëngjesit. ©Lapsi.al
