Interesimi i madh i Barcelonës për Lautaro Martinez, nuk është i vetmi që prej Serie A, sepse në shënjestër të katalanasve është njëkohësisht edhe Miralem Pjanic. Sipas "Mundo Deportivo", blaugrana janë në kërkim të një goditje dyshe dhe lëvizjet janë konkrete. Optimizmi i Barcelonës niset nga fakti që të dy lojtarët kanë treguar dëshirën për tu transferuar në Liga. Nyja e bisedimeve mbetet e lidhur me lojtarët në shkëmbim për ti ofruar Juventus e Inter.
Për boshnjakun Juventus kërkon 70 milionë, por akordi mund të arrihet edhe me 60. Barcellona kërkon të fusë një lojtar në tratativë dhe bardhezinjtë kanë qenë të qartë se duan brazilianin Arthur. Drejtuesit blaugrana nuk duan të privohen nga një mesfushor i ri me shumë prespektivë e insistojnë për të ulur cmimin me Rakitic apo Vidal. Por pavarësisht këtij ngërci bisedimet shkojnë përpara dhe duken pranë një konkluzioni pozitiv.
Në rastin e Lautaro, i sponsorizuar nga emrat e mëdhenj të Barça, Leo Messi mbi të gjithë, problemi mbetet klauzola e zgjidhjes së kontratës fiksuar në 111 milionë. Drejtuesit katalanas duan të ulin sa më shumë të jetë e mundur pjesën cash të operacionit, duke marrë në konsideratë edhe shifrën që duhet të paguajnë për Pjanic.
