Fjala e fundit do ti shkojë Qeverive të vendeve (të paktën atyre që nuk janë shprehur ende) por Uefa ka theksuar sot se është "sigurisht e mundshme" të programohet rinisja e kompeticioneve futbollistike të pezulluara për shkak të emergjencës koronavirus. Natyrisht, duke respektuar protokollët sanitarë që Federatat e ndryshme do të realizojnë e legjislacioneve të vendeve të ndryshme. Një mendim zyrtar, është shprehur nga profesori Tim Meyer, presidenti i Komisionit mjekësor të UEFA: "Në debatin për rikthimin e futbollit kompetitiv e të cfarëdo niveli, shëndeti i futbollistëve, të gjithë atyre që janë përfshirë në ndeshje potenciale e të publikut në përgjithësi, është me rëndësi të vecantë".
"Të gjithë organizatat futbollistike që po planifikojnë rinisjen e aktiviteteve të tyre duhet të realizojnë protokolle të plota që të detajojnë kushtet shëndetësore e operative, duke garantuar që të mbrohet shëndeti i personave të përfshirë në ndeshje e që të ruhet integriteti i politikave publike. Në këto kushte e në respekt të plotë të legjislacionit lokal - ka përfunduar presidenti i Komisionit mjekësor UEFA - është sigurisht e mundur të planifikosh rinisjen e kompeticioneve të pezulluara gjatë sezonit 2019/20".
