Edi Rama ka vendosur ti përgjigjet akuzave të opozitës për tenderat e qeverisë për të përballuar situatën e shkaktuar nga COVID-19 duke publikuar në faqen e tij të ‘Facebook’ një video ku shfaqet vetë përballë akuzave të opozitës dhe sqaron çmimet e maskave dhe veshjeve mbrojtëse.
“MIRËMËNGJES?
nga unë, Luli dhe shokët e tij???♂️?”.
Teksa në video shihet një pjesë nga deklarata e ish-deputetit të PD-së Enkelejd Alibeaj për këto tendera sekretë, kryeministri jep përgjigjen e tij se nuk ka asnjë të tillë. “Çfarë sekreti ka këtu?! Nuk ka tendera sekretë, as kontrata sekrete.
Procedurat e tenderimit të përdorura për COVID-19 janë procedura të miratuara ligjore, për lidhjen e kontratave që diktohen nga interesat thelbësore të shtetit. Po të ishin sekrete nuk do të ishin publike.”, tha Rama. Po ashtu në video është shkëputur edhe një deklaratë e Abielajt, i cili thekson në emër të PD-së se maskat mbrojtëse qeveria i ka blerë me një shifër 6.5 euro. Ndërkohë, Rama i përgjigjet kësaj akuze me një formë ironie, ndërsa shton; “Me vërte?! Maskat mbrojtëse FFP2 janë blerë me 4.14 euro”.
Rama zgjedh ta mbyllë videon, duke iu përgjigjur edhe akuzave të liderit të PD-së, Lulzim Basha, ndërsa shkruan se: “Boll! 7X7 nuk bëjnë 42”, duke i kujtuar kështu lapsusin kryeopozitarit.
