Një lajm i mirë për Cristiano Ronaldo. Mamaja e tij Dolores ka dalë nga spitali Nelio Mendonça në Funchal në ishullin e Madeiras, ku ishte shtruar si pasojë e një iktusi që e goditi në 3 mars, e është kthyer në shtëpi. Kampioni i Juventus është në Madeira, ku fluturoi me avionin e tij privat që në fillim të javës së shkuar, përpara lajmit për pozitivitetin ndaj Koronavirus të shokut të skuadrës Daniele Rugani.
Në ditët e kaluara shëndeti i Maria Dolores dos Santos Aveiro ishte përmirësuar dhe 65 vjecarja kishte shkruar në rrjetet sociale për ti qetësuar të gjithë. "Jam mirë, për fat ishte vetëm një frikë e madhe - postoi në Instagram mamaja e CR7 -. Duhet të pushoj, por po e marr veten mirë. Falenderoj skuadrën e mjekëve e profesionistët që u kujdesën për mua menjëherë".
