Java e fundit e kampionatit të Serie A ka ngushtuar diferencat në krye të klasifikimit: nëse Inter ka anulluar distancën me Juventus, ka përfituar edhe Lazio të afrohet një pikë nga vendi i parë. Beteja për titullin do të kalojë përmes dy kryqëzimeve të mëdha, nga këtu në fillim të marsit: në fillim Lazio-Inter të dielën e ardhshme, pastaj Juventus-Inter në 1 mars: rëndësi do të ketë shumë edhe kalendari i tre pretendentëve.
Humbja e Veronës rrezikon të lërë gjurmë të rënda në kampin bardhezi, por të paktën ndeshjet e ardhshme të kampionatit mund ti japin një dorë Sarri të rikthehet menjëherë në shina. Në fillim Brescia në shtëpi, pastaj Spal në transfertë ku përballen objektivat titull e mbijetesë. Në mes edhe Kupa e Italisë e mbi të gjitha Champions League. Por detyra primare e Sarri është të gjejë lojën: kështu Juventus do të kthehet të jetë favoritja e vërtetë për triumfin final.
Inter është i thirrur në një lloj tour de force, duke patur më shumë ndeshje për të luajtur në të njëjtën periudhë, për shkak të impenjimit të dyfishtë të Europa League. Mundësia e vërtetë për Conte është se e ka fatin në duart e tij, edhe pse nuk mund të ketë mbështetjen e San Siro: nga njëra anë përplasjet direkte kundër Lazio e Juventus, nga ana tjetër ndërgjegjësimi se duhet ti sfidojë në Olimpico e Stadium. Por nëse dëshiron të transformojë ëndërrën titull në realitet, faktori fushë nuk mund të bëhet një problem.
Lazio e rekordeve pret me besim e qetësi Inter që, mund të bëhet ndeshja për të marrë vendin e dytë, që nuk e arriti, duke barazuar ndeshjen e prapambetur me Veronën. Inzaghi, në diferencë me kolegët e tjerë, mund ti besojë një organike më pak të pasur, por edhe një kalendari më të butë, duke qenë se nuk është më në garë për Kupën e Italisë e Europa League: më pak ndeshje, më pak stres? I takon bardhekaltërve ta tregojnë.
KALENDARET E PRETENDENTËVE
JUVENTUS 54 pikë: Milan-Juventus (Kupa e Italisë) 13 shkurt, Juventus-Brescia (Serie A) 16 shkurt, Spal-Juventus (Serie A) 22 shkurt, Lyon-Juventus (Champions League) 26 shkurt, Juventus-Inter (Serie A) 1 mars
INTER 54 pikë: Inter-Napoli (Kupa e Italisë) 12 shkurt, Lazio-Inter (Serie A) 16 shkurt, Ludogorets-Inter (Europa League) 20 shkurt, Inter-Sampdoria (Serie A) 23 shkurt, Inter-Ludogorets (Europa League) 27 shkurt, Juventus-Inter (Serie A) 1 mars
LAZIO 53 pikë: Lazio-Inter (Serie A) 16 shkurt, Genoa-Lazio (Serie A) 23 shkurt, Lazio-Bologna (Serie A) 29 shkurt
