"Messi larg Barcelonës? Sipas meje është shumë e vështirë , por jo për tu përjashtuar. Në futboll gjithcka është e mundur". Ai që e thotë është Ariedo Braida, ish-konsulenti i merkatos së Barcelonës. "Leo është një lojtar i jashtëzakonshëm, besoj ndihet shumë mirë në Barcelonë, jeton me familjen e tij, është aty prej gjithnjë, nga mosha 13 vjecare" ka shtuar ai për Radio Anch'Io Sport në Radio 1 Rai. "Ai mbulon gjithë gabimet që bëhen. Eshtë e vështirë të largohet, por jo e pamundur".
Kjo pjesë e fundit, jo e pamundur, është ajo që entuziazmon klubet që shpresojnë të shkëpusin kampionin argjentinas e duhet thënë se ato që mund tia lejojnë vetes, nuk janë shumë: "Skuadrat angleze e ato italiane, me Messi do të kishin një zhillim të cmendur në nivel komercial e për imazhin global". Një mundësi e vogël, por jo e mirëqenë që nuk ndodh, sepse Messi ka mundësinë të lirohet me "kosto zero" nga Barcellona, përballë një rrogë faraonike, jo më pak se 35 milionë në vit. Për ti shtuar zërat mbi një divorc të papritur, ka shërbyer edhe përplasja e javës së kaluar mes Messi e Abidal, përgjegjësi aktual i merkatos blaugrana: por nga këtu tek hipoteza e lamtumirës është një rrugë e gjatë.
