Mungon në Tiranë, Benzema nis luftë të re me Francën: "Më lini të luaj me Algjerinë"

Në mbrëmje, në Shqipëri, Didier Deschamps do të festojë pankinën e 100 si trajner i Francës. E gjithnjë, pa sulmuesin më të mirë francez të historisë së Real Madrid në organikë. Goditjen e fundit, Karim Benzema, e ka marrë nga presidenti i Federatës Franceze të Futbollit, që ka mbytur pa lindur ende debatin e ditëve të fundit mbi mundësinë e grumbullimit të kampionit të klubit spanjoll. “Historia e tij me Francën është mbyllur”, ka thënë Noel Le Graet, duke provokuar reagimin e lojtarit: “Atëherë më lini të luaj me një tjetër kombëtare”. Referimi i Benzema është për Algjerinë, vendi i origjinës së prindërve, që sigurisht nuk do të hiqte dorë nga një sulmues që ka shkuar në gol në 15 edicione të Champions League radhazi, i dytë vetëm pas Messi, e francezi i parë që arrin në kuotën 200 gola në vitet 2000 me klubet e tij. Me pak fjalë, një makinë golash nga i cili Franca hoqi dorë pas skandalit të videos sexy të Valbuena, që sipas hetuesve Benzema i përdori për të shantazhuar kolegun e Bleus. Të dy u përjashtuan nga kombëtarja, por sulmuesi akuzoi pastaj Deschamps "se u dorëzua tek pjesa raciste e shoqërisë franceze". Që atëherë Benzema përfundoi në harresë, por pa kompromentuar rrugën e Francës, finaliste e Europianit të shtëpisë në 2016, por më pas kampion bote në 2018 në Rusi. Pak muaj nga Europiani i ri, po kthehej në vëmendje debati për një thirrje të re për Benzema, por presidenti i Federatës Noel Le Graet mbylli historinë: “Benzema është një lojtar i mirë – shpjegoi ai për RmcSport – e nuk e kam kritikuar kurr për kualitetin. Përkundrazi, këtë vit po tregon me Real Madrid se është një nga më të mirët në botë, por aventura me Francën është mbyllur”. Vetëm pak orë më pas, përmes Twitter, Benzema është përgjigjur: “Noel besoja se nuk ndërhynte në vendimet e trajnerit, por duhet të dijë se vetëm unë mund ti jap fund karrierës sime në kombëtare. Por nëse mendon se ka mbarur, atëherë më lejo të luaj për vende për të cilat jam ende i grumbullueshëm e do të shohim”. Propozimi i drejtuar për Algjerinë është kundër rregullores së Fifa, duke qenë se Benzema, kampion Europe U17 me Bleus, ka veshur 87 herë fanellën e kombëtares franceze, duke shënuar 27 gola.

Noël je croyais que vous n’interfériez pas dans les décisions du sélectionneur!Sachez que c’est moi et moi seul qui mettrait un terme à ma carrière internationale.
Si vous pensez que je suis terminé, laissez moi jouer pour un des pays pour lequel je suis éligible et nous verrons.

— Karim Benzema (@Benzema) November 16, 2019