Një përplasje mes disa studentëve ka ndodhur ditën e djeshme në ambientet e ish-mensës në Qytetin Studenti, ku po zhvillohen përkohësisht leksionet e Fakultetit të Ekonomisë, godina e të cilit është në rikonstruksion.
Mësohet se rreth orës 17:30, ndërsa studentët po zhvillonin leksion, dy djem kanë hyrë në orën e leksionit dhe kanë ngacmuar disa nga vajzat e kursit.
Në këto kushte, kanë reaguar djemtë e grupit që ishin të pranishëm në leksion duke u kërkuar dy të rinjve të paidentifikaur që të largoheshin.
Pas këtij incidenti, sherri ka vijuar dhe jashtë auditorëve, ku dy grupet e djemve janë konfrontuar fizikisht.
Të lënduarit ndodhen në spitalin Ushtarak ku po marrin mjekim për plagët që u janë shkaktuar. ©Lapsi.al
