Një episod i racizmi njollos futbollin italian. Ndeshja mes Veronës e Brescia është ndërprerë pr 4 minuta nga arbitri Mariani për shkak të disa koreve raciste drejtuar Mario Balotelli, që në minutën e 11' të pjesës së dytë ndaloi lojën dhe e goditi topin drejt tifozëve në shenjë proteste, duke kërcënuar të largohet nga fusha e lojës. Sulmuesi është përqafuar menjëherë nga shokët e kundërshtarët para se loja të rifillonte me njoftimin e spikerit.
Reagimi i Balotelli ndaj fyerjeve ka qenë i vendosur: gjatë një aksioni të ndeshjes, ndërsa gjendej pranë flamurit të këndit, pikërisht poshtë sektorit të tifozëve veronezë, Mario mori topin në duar dhe e goditi me forcë drejt tyre. Vetëm se në përfundim të ndeshjes, tekniku i Veronës, Juric, ka dashur ta minimizojë ngjarjen: "Sot nuk pati asnjë kor racist, shumë fërshëllima e tallje kundër një lojtari të madh e asgjë tjetër. Pyesni Balotelli cfarë ka dëgjuar për të reaguar ashtu".
Tekniku i Veronës, Ivan Juric, për Sky Sport mohon episodet raciste. "Nuk kam asnjë problem të denoncoj koret, nëse kanë qenë, edhe nëse ata që i bënë ishin tifozët tanë - shtoi ai - janë gjëra që nuk mund të pranohen në 2019. Por sot nuk kishte asgjë të tillë".
