Emri i Pëllumb Muharremit, apo siç njihet ndryshe “Rrumi”, i forti i Shijakut, një ndër tre personat që mbetën të plagosur ditën e djeshme në atentatin kundër prokurorit të Durrësit Arian Ndoja, nuk është i panjohur as për Policinë, por as edhe për eksponentë të politikës vendase.
Një vit më parë, në një takim me banorët në Manzë, kreu i Partisë Demokratike, Lulzim Basha, në një deklaratë për bashkëpunimin e krimit me pushtetin, i është referuar “Rrumit”, që sipas tij ndërsa tha se ai “bënte kërdinë për zgjedhjet”.
Më tej, Basha tha se “Rrumi” ka ushtruar presion dhe frikë në zonën e Sukthit për të mbledhur vota për ish-kreun Bashkisë së Durrësit, Vangjush Dako.
“Sepse vendi nuk qeveriset nga një qeveri e dalë nga vota juaj. Vendi nuk qeveriset nga një qeveri e zgjedhur me votën e popullit. Kur vjen në pushtet me kërcënimet e Rrumit, Rrumi e ka ky që bënte kërdinë për zgjedhje? Ushtari i “Xhuxhit”, është në Sukth? Dakord. Pra, kur vjen në pushtet mbi zullumet e Rrumit e të Gjush Dakos, mendjen e ke të punosh për Rrumin e për Gjush Dakon e për bandat e tjera të Durrësit e të Shijakut. Nuk të shkon mendja për njerëzit e thjeshtë, për hallexhinjtë, për fermerët, për të papunët, për rininë. I vetmi shqetësim i një qeverie të dalë nga vita e krimit dhe jo e qytetarëve është si të vazhdojë të mbrojë krimin e të bëjë biznes me krimin.”- shprehej Basha një vit më parë.
Lidhur me atentatin, Basha reagoi ditën e djeshme, duke e cilësuar si një ngjarje të rëndë mafioze, që tregon se krimi nuk e ka frikë shtetin. ©Lapsi.al
U plagos gjatë atentatit ndaj Prokurorit Arjan Ndoja, ja si Lulzim Basha denoncoi "Rrumin" një vit më parë on Vidnews.
