Bota nisi ta njohë në 30 maj kur në Botërorin e U20 shënoi me fanellën e Norvegjisë 9 gola në një ndeshje. Në atë rast Honduras përfundoi i shkatërruar 12-0. Drejtuesit e Salzburg fërkuan duart, e në fakt meritojnë ta bëjnë, duke qenë të parët që pikasën talentin e tij, duke e marrë në 2018, nga Molde për vetëm 5 milionë euro. Tani vlen rreth 50, por nëse vazhdon me këtë ritëm, cmimi mund të shtohet.
Emri i tij është në gojën e të gjithëve, sepse impakti i tij pagëzues në Champions League ishte i pabesueshëm: tregolësh në debutim kundër Genk, një gol kundër Liverpool në Anfield e dygolësh ndaj Napolit. Gjashtë gola në tre ndeshje: Cristiano Ronaldo e ka arritur dicka të tillë në 32 ndeshje, Messi në të shtatëmbëdhjetën. Erling Braut Haaland është qendërsulmuesi tipik që shënon në të gjitha mënyrat: me të djathtën, të majtën, me kokë. I ftohtë edhe nga pika e bardhë me atë buzëqeshje gati të pafajshme e me një mesatare kampioni: 1,4 gola cdo ndeshje për të përzgjedhurin, që tenton të ecë në hapat e idhullit të tij Zlatan Ibrahimovic.
Time to reach 6 goals in Champions League: Cristiano: 32 matches Messi: 17 matches Braut Haaland: 3 matches ???pic.twitter.com/DAjUtZkt7Z
— Kristian (@vonstrenginho) October 24, 2019
