Djegia e një sipërfaqeje me shkurre në një hapësirë toke në zonën e njohur si “Rezervat e shtetit” në lagjen “Çelepia” në Berat, ka rrezikuar banesat rrotull zjarrit, që mund të përfshiheshin nga flakët.
Mësohet se zjarri, që është vendosur për të djegur shkurret, është përhapur me shpejtësi i favorizuar nga era, duke shkaktuar panik tek banorët e zonës, të cilët kanë lajmëruar Repartin Zjarrëfikës.
Forcat zjarrfikëse kanë rikthyer situatën në kontroll, duke shuar zjarrin dhe duke neutralizuar vatrën e tij.
Ndërkohë, në vendngjarje kanë mbërritur edhe uniformat blu.
