Real Madrid vazhdon të humbasë pjesët më të mira. Në infermeri, ku janë tashmë Hazard, Asensio, James, Mendy, Brahim e Rodrygo, mbërrin i fundit edhe Francisco Isco. Fantazisti spanjoll, sipas asaj që bën të ditur klubi kryeqytetas, i është nënshtruar tashmë kontrolleve mjekësore, që kanë evidentuar një dëmtim muskular në bicepsin femoral të këmbës së djathtë. Nuk janë bërë të ditur kohët e rikuperimit, por sigurisht që numri 22 nuk do të kthehet në fushë para pauzës, për impenjimet e kombëtareve.
Një lloj mallkimi duket se është përplasur mbi skuadrën e Zinedine Zidane, duke qenë se Isco është lojtari i 7° në më pak se dy muaj që bëhet viktimë e dëmtimeve: praktikisht Real humb një lojtar cdo javë. I pari që u dëmtua ishte Brahim, në javën e parë të përgatitjeve para startit të sezonit, i detyruar të qendrojë 32 ditë për tu rikuperuar. Turi amerikano-verior ishte fatal edhe për Mendy, jashtë 25 ditë e që ende nuk ka zbritur në fushë. Në dy javët e fundit situata precipitoi krejtësisht, duke qenë se njëri pas tjetrit u dëmtuan Rodrygo, Hazard, James e i fundit Isco, që duhet të qendrojë jashtë për 2-3 javë.
