Në Selman Stërmasi zgjat 22 minuta sfida e javës së dytë të kampionatit mes Tiranës e Teutës. Në minutën e 22 të ndeshjes, pikërisht pas një kontrasti mes Bathës e Kallakut, ku futbollisti bardheblu është ndëshkuar me karton të verdhë, arbitri Eldorjan Hamiti nuk e ka vazhduar më ndeshjen, për shkak se një pjesë e prozhektorëve janë fikur, duke e lënë stadiumin në gjysëmerrësirë.
Fillimisht u mendua për një pauzë të shkurtër, por kanë kaluar gati 30 minuta, me lojtarët që bënin nxemje e merrnin direksione, në pritje të ndezjes së prozhektorëve. Gjyqtari në këtë pikë ka kërkuar mendimin e kapitenëve nëse janë të gatshëm të vazhdojnë lojën, edhe pa u ndezur plotësisht prozhektorët.
