Më keq nuk mund të shkonte për Barcelonën. Sikur të mos mjaftonte humbja e minutës së fundit në debutimin në kampionat kundër Athletic Bilbao, tekniku Ernesto Valverde humbet edhe një tjetër sulmues, duke patur në dispozicion tashmë vetëm Griezman e Dembele. Dëmtimi i Luis Suarez nuk ka qenë i lehtë, ashtu sikurse u kuptua në fakt, që në momentin e daljes së uruguajanit nga fusha.
Pa Lionel Messi të dëmtuar, Barcellona duhet të bëjë llogaritë edhe pa Suarez. Kontrollet të cilave iu nënshtrua sulmuesi uruguajan, që u zëvendësua në minutën e 37' të ndeshjes në San Mames, kanë evidentuar një dëmtim në pulpën e djathtë. Nuk janë komunikuar ende kohët e sakta të rikuperimit, por është e sigurtë se Suarez do të mungojë në ndeshjen e ardhshme të kampionatit, kundër Real Betis.
Për momentin mendohet se Suarez duhet të qendrojë dy-tre javë jashtë fushës, me objektivin të jetë gati pas pauzës për shkak të impenjimeve të kombëtareve. Dëmtimi i Suarez është identik me atë të pësuar nga Lionel Messi, që nuk ka luajtur në asnjë ndeshje përgatitore para startit të sezonit dhe mungoi edhe kundër Athletic Bilbao.
