Policia e Shkodrës ka arrestuar para pak çastesh ish-deputetin e PD-së Bardh Spahia. Ai kërkohej për ngjarjet e ndodhura mbrëmjen e së martës në KZAZ-në 3 pranë shkollës “Shenjaze Juka” e cila u sulmua nga zyrtarë të bashkisë së këtij qyteti dhe disa mbështetës të PD-së.
Gjatë përplasjeve mbështetësit e opozitës i vunë flakën 2 klasave të shkollës ku ndodheshin materialet e zgjedhjeve të 30 qershorit të cilat janë shfuqizuar nga Presidenti Ilir Meta. Protestuesit tentuan të merrnin në kontroll ambientet e KZAZ-së.
Për incidentin janë arrestuar 5 persona nga policia, 14 të tjerë ishin shpallur në kërkim dhe dy të tjerë janë proceduar në gjendje të lirë. ©LAPSI.al
