Një grup protestuesish, pjesë e sindikatës së minatorëve, protestojnë sa herë ka seancë plenare duke kërkuar miratimin e statusit të minatorit.
Edhe pas miratimit të një ligji për rritjen e pensionit të tyre me 1 % për çdo vit pune nën tokë, minatorët vazhdojnë të jenë të pakënaqur duke kërkuar miratimin e statusit. Sipas tyre, ligji favorizon ata që marrin pensione minatori pa të drejtë.
Minatorët e cilësojnë ligjin lidhur me statusin e tyre si një pallavër politike që nuk i trajton me dinjitet dhe për këtë arsye protestat e tyre do të vijojnë deri në marrjen e statusit.
Një tjetër kërkesë e tyre është hapja e dosjeve te minatorëve për të shmangur rastet abuzive ku me anë të falsifikimeve persona të caktuar kanë përfituar pension.
