Mazhoranca vazhdon të kërkojë kapjen totale të gjithë institucioneve. Kështu u shpreh Presidenti i Republikës, Ilir Meta në konferencën e jashtëzakonshme për të shpjeguar se pse vendosi të anulojë mbajtjen e zgjedhjeve më 30 qershor.
Sipas Metës, nga ana tjetër qëndron opozita që kërkon delegjitimimin e tyre, dhe kjo klimë e ashpër politike mund të çonte në konflikt civil pasi nuk do të kishte zgjedhje më 30 qershor. Ai argumenton se nuk mund të rrintë duarkryq ndaj kësaj situate prandaj vendosi të ndërhyjë. ©Lapsi.al
