Protestuesit kanë djegur sot një instalacion, të cilin e kishin vendosur para Piramidës. Bëhet fjalë për një objekt në formën e piramidës që ata e kanë cilësuar si "Piramida e krimit".
Në majë të saj ata kanë vendosur emrin e kryeministrit Edi Rama dhe më pas e kanë djegur. Instalacioni është vendosur fillimisht tek Parlamenti, por më pas protestuesit e zhvendosën para Piramidës ku dhe kryen veprimin final me djegien e saj.
Në bazë të piramidës është vendosur ‘rilindje’ më pas ‘krimi-blerja e votave’, më tej me radhë ‘droga’, ‘oligarkët’, ‘pastrimi i parave’, ‘PPP-kullat’ dhe në krye “Edi Rama”.
