Këshilli Kombëtar i PD-së ka votuar sot unanimisht për djegien e mandateve të deputetëve të Partisë Demokratike.
Gjatë mbledhjes së sotme të zhvilluar në selinë blu, asnjë nga të pranishmit nuk është shprehur kundër propozimit të Kryetarit të PD-së, Lulzim Basha për të bërë nul mandatet e ligjvënësve të saj.
"Në këtë 20 shkurt të 2019, 28 vite pas rrëzimit të simbolit të diktaturës më të errët shqiptarët të bashkuar si asnjëherë do të kenë në krahun e tyre Partinë Demokratike, njerëzit tanë do të jenë në krahë të qytetarëve si qytetarë të thjeshtë për të vendisur që kurrë më në Shqipëri mos vendoset një regjim tjetërdiktatorial”, deklaroi Basha.
